الشمس بصت  للقمر و قالت له : شايف؟

قالها: "و إزاى أشوف و أنا كلى عتمة

ده أنا مش بشوف غير بنورك انتِ ، و طلّتِك سبب بهايّا""

قالت له "آدى شعاع من نورى صافى و دلوقتى بُص على كوكب الأرض اللى طول عمرك حواليه تِلِف

شايف ساندويتش المربى اللى خايف؟"

"قصدك اللى سايحة منه المربى و هو بيحاول يحتويها؟

ده كان فى ايدين طفل مامته وصتّه "اوّعاك تسيب و لا حتى لقمة"

بس أنا مش عارف مين اللى خايف الطفل و لا المربى جوه السندوتش؟"

 "هحكيلك م الأول ، أصل أمه كانت جابت فراولة طازة 

ريحتها كانت مالية الشوارع بس كانت غالية حبتين، دفعت تمنها ضحكة طفلها لصاحب الفراولة

هوّ نفسه ضحكته بسبب الفراولة لأنها وشوشته " سرى فى إنّى حمّرا"

أخدت أمه الفراولة و قررت تعمل عصير و تحط له حبة لبن

بس الولد قالها " عايزها حمّرا، متعكريش لونها بشوية بياض

أنا دمّى أحمر و عايزها تجرى جوه دمّى"

كلامه اللى سابق سنه و ضحكة سنه خلّت أمه تستسلم و تعمل مربى

لكنه بصّ لها لقاها مش بتوشوشه زى ما اتعّود منها

سابها على كرسيه فى الفصل تنزّ

هىّ بقى ساحت جايز حد ياخد باله انها حمرا.

هذه مشاركتى فى كتابة أغنية مضحكة عن الشمس و القمر و ساندوتش المربى فى الاستخدام اليومى للغة العربية

و بالمناسبة الأغنية مش مضحكة :(