إحنا فى بلد الفتى
آه لو فكرت تسأل عن طريق
لأنك تايه و بس
واحد يقولك خُدّ يمينك
و تانى يقولك خُدّ شمالك
و تالت يقولك انت خلاص وصلت
و انت تُهت أكتر ما انت تايه
مين عارف الطريق الصحّ؟
تسأل نفسك لكن مفيش جواب!
تلاقى فجأة واحد يسألك عن نفس الطريق
تقوله مش عارف مثلاً؟
تقوله إنك تايه حتى من قبله؟
لأ طبعاً
يكون جوابك : خُد شمالك بعده يمينك تلاقيك وصلت!
و ده كان مجرد سؤال عن طريق
لا كان سؤال يخص دين و لاّ سياسة
و دى حاجات تغير مصير ناس كتير
بس واحد ممكن يأثر فى ناس كتير
كفاية فتى!
ولا باينّه هذى!
لا مش انتم لا سمح الله
أنا اللى بهذى من كتر الفتى!
مشاركتى عن الكتابة باللهجة المصرية العامية فى مبادرة "اللغة العربية للاستخدام اليومى"
هناك تعليق واحد:
شكراً لكم ع الموضوعات المتنوعة ...
إرسال تعليق