الأربعاء، أكتوبر 07، 2009

::كمامات::


-1-
فى الشارع..
السابعة صباحا..طفل يقف منتظرا الحافلة التى تقله للمدرسة مرتديا " كمامة" ..و فى الناحية المقابلة له تماما ترقد كومة كبيرة من "القمامة"!

-2-
فى الصيدلية..
حشد من الناس يدخلون ..يتساءلون.." هل توجد كمامات؟"..أجيب ب .."لا".. يسألوننى عن الصابون المطهر و كذلك السائل منه..أجيب " للأسف نفذت جميعها!..أدون أننا بحاجة الى أكبر عدد ممكن من الصابون المطهر بأنواعه و قبلها ال "كمامات"!

-3-
فى المنزل..
يسألنى أخى ان كان لدينا فى الصيدلية " كمامات"..أجيب ب "لا"..
و بعد ساعات ..أجد واحدة موضوعة على المنضدة..و أتساءل بداخلى: " هل تجدى؟"..

هناك 7 تعليقات:

HaNoDa يقول...

اتنين في المدرج النهارده كانوا لابسين الكمامت دي ..

وكثافه المدرج فوق 1000 طالب :(

اعتقد انها لا تجدي ..!

حسام يقول...

المشكلة انه تبعا للأعاجيب اللي درسناها في علم الصحة العامة العجيب برده
فانا عن نفسي لا اعتقد ان ال pore size
الخاص بالكمامة يمنع الفيروس ذو ال particle size
متناهي الصغر من المرور الى انف او فم المسكين صاحب الكمامة

و بعدين الكمامة هتنفع ضد ايه ولا ايه
و ان نفعت ضد انفلونزا الخنازير هتنفع في القليوبية ضد التيفويد
يا ستي
فكك

Rehab يقول...

هنودة
اتنين كتيييييير:D
وانا كمان اعتقد كده!
نورتينى

حسام
معاك حق!
عارف انا اساسا قصدت اكتب مشهد الشارع ده لانى شفته و فكرت ..هو حاطط كمامةو دى هتعمل ايه قصاد الزبالة اللى مرمية فى كل حتة و ممكن تسبب امراض اخطر كتير من الانفلونزا!
يا رب استر علينا!

أحمد فضيض يقول...

بلا فخر مشفتش في منطقتي كلها كمامة واحدة .. مرة أيام أنفلونزا الطيور شفت عاملات النظافة في الشارع حاطينها .. بس دلوقتي لا!


والإعلان الوحيد اللي شوفته منتشر في الصيدليات هو عن توافر التطعيم ضد الانفلونزا الموسمية

مُتَعتِ بالصحة :D

Rehab يقول...

أحمد..
يبقى منطقتكم فيها حاجة مش و لابد:D..
عندنا هنا تلاقى الاطفال بيمشوا بيها فى الشارع و الموضوع مش بس موضوع مدرسة..حتى فى الدروس الخصوصية المدرسين مش بيدخلوهم من غيرها:D

و أنت أيضا:D

فتوح أبو المفاتيح يقول...
أزال المؤلف هذا التعليق.
Rehab يقول...

فتوح أبو المفاتيح
صح كلامك..
مهو الطريف انهم بيلبسوها للاطفال فى الشارع وهم رايحين المدرسة..و اعتقد انهم كاطفال هيقلعوها بمجرد اما يوصلوا المدرسة:D
تحياتى