نقد ذاتي درءًا للنقض الذاتي

-عايشة ومالكيش أى رغبة في الحياة!
مفيش هدف
مفيش أمل
ولاحتى رغبة في انك تشوفي حد!
اعترفي يلا بالاكتئاب!

-وهيّ تهمة؟
أيوه..اكتئاب!
ده حتى توقيته مناسب جدًا
مبقاش عندك قلق من النجاح أو الفشل!
مبقاش عندك هلع من نتيجة اى شئ!
ولا حتى فارق معاكي اي شئ!
مش مخاطرة
بس مبقاش عدوي هو أنا...

-كل ده حقيقي..
بس الضريبة غالية قوي
الضريبة من لحمي ودمي
الضريبة من الحياة اللى بتنبض جوه مني
الضريبة إني أبقى أقسي من الحجر الصوان!
وده تمن ماأرضاش في يوم إني أدفعه!
ولا حتى قربان نجاح العمر كله..

-يبقى البديل إني أقاوم وأفضل أقاوم
إيه يعنى ممكن أفشل!
وإيه قيمة النجاح من غير سعادة؟
وإيه قيمة الحياة من غير قيمة؟
وإيه معنى أي قيمة من غير إيمان؟
حبة إيمان..