عزيزي الله
أنا عارفة قد ايه انت قريب،بس احنا اللي بعاد
احنا اللي الأرض أصلنا وماسكين فيها بايدينا وسناننا، رغم ان الحقيقة اننا حاليًا شبه أموات، يا رب انت عارف حال الناس في الشارع، مش محتاجة أحكي لك عن أي حاجة بتحصل، ولا عن التوحش والبلادة والكسل اللي احنا فيه!
الحال ميسرش، بس يعني امتى كان يسر؟
مش فاكرة اني مشيت يوم في الشارع ولقيت في عيون الناس ضي وحماسة، جايز كام يوم وكله اتبخر.
يارب انت عارف اني حاليًا مش يائسة و لاناقمة
وعارف كمان اني زهقانة من التكرار الممل لكل شئ، وأنا عارفة ان الحل اني لازم أحاول أغير حاجة عشان النتيجة تتغير، ع الأقل عشان يرجع لي الحماس، عشان يبقى عندي دافع أخرج من العزلة الجميلة، وأمشي وسط الناس ولأجل الناس!
يا رب انفخ في صورتي واحييني بطاقة أمل تسري جوه الروح.
أنا خلاص بقيت عارفة ايه مني وايه من الشيطان، امنه اليومين دول متقيد!
بس نفسي مش مقيدة!
يارب انت عارف اني نفسي أنام من كتر الاجهاد، بس مخي مش راضي يسلم للنوم، وعارف كمان اني في أيام تانية كتيييير بيكون النوم هربي وملجأي من كل شئ، يارب ارزقني الاتزان في كل شئ..
يا رب أنا بحبك.
بس نفسي مش مقيدة!
يارب انت عارف اني نفسي أنام من كتر الاجهاد، بس مخي مش راضي يسلم للنوم، وعارف كمان اني في أيام تانية كتيييير بيكون النوم هربي وملجأي من كل شئ، يارب ارزقني الاتزان في كل شئ..
يا رب أنا بحبك.
ليست هناك تعليقات:
إرسال تعليق