برغم كل شئ .. أيامنا فيها شئ .. بيعشق الحياة!
و فى قلوب بتوصل فى العشق لمنتهاه
و فى ايدين بتبنى .. و فى عيون بتسقى .. و فى جماد بيشعر و يسبح بالاله !
برغم كل شئ بنعشق الحياة!
الفجر لسه شارق .. بيملا الدنيا خير
و لسه الرزق فاكر.. يوعد كل طير
و لسه فى كلام يطيب الجراح
و لسه فى الآم بتوأد الصباح
عشان نعيش معاه
برغم كل شئ .. أيامنا فيها شئ ..بيعشق الحياة!
الضلمة لما تكتر ..تهزمها شمعة واحدة
و الروح الحرة تقدر تدى و تاخد وترضى!
الحب لسه قادر يحرك القلوب
و قلوبنا لسه قادرة وهى فى الصدور..
و نتغنى على هواه
برغم كل شئ ..ايامنا فيها شئ.. بيعشق الحياة!
هناك 8 تعليقات:
تحفه بجد يا داليا
أكتر حاجه عجبتنى روح التفاؤل والامل دى
ومقاومة الظروف والتحدى
وفعلا لازم نفكر كده
نفكر إزاى نعشق الحياه مهما حصل نفكر إيه اللى يخرجنا من أى موقف صعب
مينفعش نستسلم بسهوله كده لأى حاجه ومادام فيه حياه يبقى لازم يكون فيه أمل
ربنا يكرمك يا داليا وبالتوفيق دايما
Amany
منورة يا قمر:)
فعلا لازم نحب الحياة مهما حصل
عارفة اصلى جربت قبل كده أكتئب و أزعل و أنقم كمان على اللى بيجرى
و النتيجة كانت وحشة جدا
فلازم الواحد يتعلم من تجاربه السابقة:)
و الحمد لله على كل حال
نورتينى
:)
تصدقي يا داليا ..انا ساعات من كتر حبي في الحياه ...بقيت بكرها..عشان الامل اللي عندي مش بيتحقق ..ولا حتي في اي نور يخليكي تكملي في التفاؤل وحب الخياه ...
بس البوست بتاعك ده عمل refresh ..
يمكن نديها فرصه تانيه ..وندي لنفسنا كمان ...
هنودة
الامل ممكن يتحقق لو عندك شوية اصرار!
حاجة تانية مش لازم يتحقق بالضبط زى ما انتى كنتى متوقعة.. ممكن يتحقق بشكل تانى!
و كويس ان البوست ده اثر فيكى:)
ادي نفسك مش بس فرصة واحدة... لانها ساعات مش بتبقى كفاية!
am impressed ....IMPRESSED!!!
ra2e3...ra2e3
GO ON>>>
w yama ta7t el sawahy dawahy....
el comments f3lan ma2foola 3al el post el awwalany...
Do you have any link to this song ? I have been looking for it for so long with no use!
@
Do you have any link to this song ? I have been looking for it for so long with no use!@
try this
http://www.6arab.net/ViewSong/11053.html
Thanks a lot. That was very quick!
I have been looking for it for years!!
إرسال تعليق