الأحد، أكتوبر 24، 2010

::أجرة 2::


يومها و هذا من شهر أو أكثر.. استقليت ما لا يقل عن خمسة سيارات أجرة على أقل تقدير للتنقل بين مؤسسات حكومية مختلفة لانهاء بعض المعاملات الورقية لنقل محل عملى، وكانت آخرها الى المنزل، بعد انتظار ما لا يقل عن نصف ساعة كاملة فى ساعة الذروة و عودة الطلاب الى منازلهم،وتوقفت لى تلك السيارة الأجرة التى يكتظ كرسيها الخلفى بعدد من طلاب المرحلة الابتدائية،ولذلك ركبت فى الكرسى الأمامى و انا شاعرة بامتنان شديد، قال السائق للأطفال"مين عنده درس؟"..أجاب بعضهم "أنا".. قال :"ومين عايز يسجل فى التليفزيون؟" مبتسما...وهنا علق أحدهم"ما أنا قلت ساعتها ان عندى درس!."..رد السائق:"اه..بس فضلت انك تسجل :D"..و التفت لى قائلا:"أصل القناة السادسة كانت بتصور فى اشارة مرور برنامج....، و استأذنونا يصوروا معانا..و سألونا عن التعليم،و أنا أصلا كنت مدرس انجليزى، فاتكلمت و كمان الأولاد اتكلموا".. سألته"حضرتك مدرس انجليزى أصلا؟ غريبة و حضرتك سبت التدريس و بتشتغل سولق تاكسى؟"..قال :"أنا اشتغلت مدرس فترة طويلة،وكنت بدى دروس وكده وكان شغلى أصلا فى القاهرة ،لحد ما اتنقلت فى مدرسة ثانوى بنات هنا فى طنطا!..وهناك بقى حصلت لى مشكلة و استقلت!"..تعجبت و قلت:" استقلت؟!"..قال :"بصى حضرتك انا كنت بشرح حالة خاصة لقاعدة if و لقيت فى كام بنت فى آخر الفصل بيتكلموا،فسألتهم فى اللى لسه شارحه..جاوبوا غلط ،المهم عاقبت واحدة منهم عقاب مدرس للطالبة أو حتى الأب لبنته،وخلصت الحصة و عدى كام يوم و انا بشرح عادى و فى يوم جه والدها عضو مجلس الشعب و معاه المدير و كلمونى بطريقة مش لطيفة قدام الطالبات،المهم رديت عليهم و قلت لهم انى فى حصة و لو فى اى كلام يبقى بعدها،المهم حصل تعدى لفظى على من الوالد و المدير و الحقيقة ما سكتش،وبعد الحصة لقيت المدير عامل لى مذكرة..و اتحولنا احنا الاتنين للتحقيق و اتجازينا!..و من بعدها بقى يحط لى حصة فى اول الجدول و حصة فى اخره و استقصدنى و ساعده على كده انه ريح زمايلى على حسابى،رحت و اتكلمت معاه،و لما ما لقيتش فى فايدة قدمت استقالتى!..المفروض كنت بعت نسخة منها للادارة بس معملتش كده!..وما رحتش المدرسة،كان هوى استنى 3 شهور و عمل لى انقطاع عن العمل و انفصلت!..المشكلة الحقيقية انى ما كنتش كملت العمر اللى يخلينى آخد معاشى كامل!.."
هنا وصلت وجهتى ..ترددت قبل النزول ،كان بدى أعرف أكثر،كيف تحول من مهنته المرموقة الموقرة الى سائق أجرة!

هناك تعليقان (2):

فتوح أبو المفاتيح يقول...

:(
مصر , , ,وبس
اختلط فيها الحابل بالنابل

Rehab يقول...

صدقت :(