الاثنين، نوفمبر 24، 2008

فاصل اعلانى 3

بقى لى فترة طويلة معملتش فواصل اعلانية..و الحقيقة بتكون مسلية و تضفى جو من البهجة ع البلوج


و لذلك قررت أعمل واحد..بس الحقيقة مفيش اعلان معين فى دماغى..و لذلك قررت انى وزوار بلوجى الافاضل نعمل اعلان!




الاول :- ليه نعمل اعلان؟


عشان نسوق لمنتج أو لفكرة!




ثانيا:-طب ايه المنتج بتاعنا؟


أفكارنا و مبادءنا و ثقافتنا!




ثالثا:- ليه نسوق لأفكارنا و مبادءنا و ثقافتنا؟


عشان هى تستاهل تتسوق...بدل الافكار المسفة اللى بتقدمها لنا اعلانات السلع الاستهلاكية اللى مش بتنمى أرواحنا!




رابعا:-هنعمل ده ازاى؟


سؤال وجيه:D


حاليا من خلال الموضوع ده .. مؤقتا!




خامسا:- لسه الفكرة مش واضحة...


هحط صورة فى النهاية..سلعة استهلاكية ..بس فى نفس الوقت للرفاهية....مش مهمة قوى...يعنى مش مطلب أساسى لكل انسان!


أكيد هتقولوا ليه؟


عشان هى دى الدعاية و الاعلان:D




سادسا:- المطلوب منكم ايه؟


تعملوا اعلان يعبر عنكم..أفكاركم ..مبادئكم...ثقافتكم..من الصورة اللى هحطها:D




سابعا:- هنستفيد ايه من كده؟


أكيد نشغل دماغنا..و قدام زائر عندى هنا أكيد تعبت معايا كتيييييييير..و غالبا متابع صامت..فهى فرصة للمشاركة:D




ثامنا:- المقابل ايه؟


عيب قوى السؤال ده يتسأل..


بس هجاوب:D


المقابل حاجات كتير...هتكسبها لنفسك...غير انك هتحرك خلايا دماغك المتصدعة...عذرا على هذا اللفظ!....


هتفكر زى أى حد بيعلن عن حاجة... وده شئ مطلوب فى الزمن ده:D


هتسلى نفسك بقراءة اعلانات الآخرين...اذا هما شغلوا خلاياهم!


هتحاول من خلال اعلانك ..تقول حاجة ..رسالة نفسك توصلها...لانها لو قوية فى دماغك...هتعرف تركبها على أى حاجة..و هتعرف تبيعها...و تضمن نجاحها لو اتطبقت فى مكانها الصح:D




فى النهاية ده مش مجرد اعلان!


ده فاصل اعلانى!


و هحاول أكون أول رد!


أسيبكم مع الصورة:D


هناك 10 تعليقات:

Unknown يقول...

اولا ابدي اعجاب شدييييييييييييييييد بالفكره

وطبعا بلا منازع لي عوده :D

Rehab يقول...

shimaa
اكييييييد ليكى عودة:D
نورتى الحبة الصغيرين دول:D

حسام يقول...

أولا اسلوب الاعلانات التلفزيونية:
من أجل إشراقك
مجوهرات داليا
تجعلك تتالقين برونق ساحر كل يوم
و تضفي عليك الاناقة الفرنسية الجذابة
تجمع بين روعة الذهب
و أصالة الاحجار الكريمة
صنعتها ايدي أعظم الخبراء الفرنسيين في المجوهرات
مجوهرات داليا
تألقي كل يوم

احمد حمدى سراج الدين يقول...
أزال المؤلف هذا التعليق.
احمد حمدى سراج الدين يقول...

حبات....
و لكن ليست للبيع
حبات ....
و لكن ليست للعرض
انها انا...
هكذا اجد نفسى
بعض من القطع
و الشتات
قد ابدو وحدة واحدة
و لكنى فى النهاية مجرد حبات

Rehab يقول...

حسام
فعلا زى اعلان كامى:d
بس فين شخصيتك فى الموضوع؟:d
لا خلتنى كمان جواهرجية...
يلا بلا صيدلة بلا وجع دماغ..

أحمد حمدى
حلو قوى ده:d
فيه لمسة فلسفة!
عجبنى..

حسام يقول...

أصل انا عن نفسي لو بعلن عن اي منتج يخص المراة شابف ان اعلان كاماي هو احسن اسلوب لاي حاجة بس

بذمتك الجواهرجية مش احسن من الهم ده

Rehab يقول...

هذا هو اعلانى:d
اشعرى بها تحادثك..
تلك الحبيبات الرائعة..
تنقل لك كل ما تحويه..
انها قوة العطاء..
روعة النماء..
تذكرك بذلك فى كل مرة تمدين يدك للخير..
تعينين انسانا..
و ان لم تحوزينها..
فاجعليها فى فكرك..
لأنك إذن تستحقينها!

حسام يقول...

كما كنت اتوقع منك
اعلان يخاطب الداخل اكثر من الظاهر بكثييييييييييييييييير

غير معرف يقول...

جميل الفاصل وفكرة جميلة


موفقة