الخميس، نوفمبر 20، 2008

عندما تتعرض للضغط!

فى كل يوم نتعامل مع الضغط..و لا اقصد بذلك المرض الشهير ..فهذا نتاج ما أقصده من الضغط..أن تجد نفسك معصورا ..محاصرا ذهنيا ..معنويا ..اجتماعيا..انه ذلك الاحساس الملّح بضرورة شئ ما!


و السؤال هو:-


عندما تتعرض للضغط..كيف تتصرف..و كيف تصبح؟








هل تصبح مثل الذرة؟




تتعرض للحرارة فتنضج؟




تتعرض للضغط ..تتغير و تصبح أكثر فعالية !







أم...










مثل الزجاج!


تتعرض للحرارة فتشرخ أو تكسر؟


و حينها قد تسبب الأذى لكل من حولك!





لا أعرف من أنا فيهما أحيانا أكون كالذرة و أخرى كالزجاج!


ساءلوا أنفسكم..تذكروا ماضيكم المضغوط ..و أعلمونى أن أمكن!

هناك 9 تعليقات:

AmR يقول...

أنا على حسب الموقف .. بس دلوقتي أنا النوع التاني ..

فكرة حلوة وعجبتني ..

HaNoDa يقول...

تتعرض للحرارة فتنضج؟
*******************

يعني سعات بحس ان الضغط بيخليني اتخد قرار سريع ومناسب وبحس فيه بالنضج ..واحيانا الضغظ بيزيد اوي ..فتلاقي الموضوع شاط او اتحرق..ويبقي برضه وصلنا للزجاج اللي بيتكسر عند الضغط عليه ..

يبقي كده كده الضغط نهايته مش حلوه دايما ...بس تقدري تقولي اننا بقينا متعوديييين عليه ..

شكرا يا داليا علي البوست الراائع ده والصور الجميله ...

أحمد يقول...

مفيش نوع تالت ؟ :D

بمزح

سأكذب لو قلت أنني من النوع الأول (الذرة) لأنني في حالات الضغط لا أصبح أكثر فعّالية والعلاقة عكسية تماما عندي، ففي هذه الحاالات يكون همي الأول الخروج من دائرة الضغط بأقل قدر من الخسائر وبشكل سريع :D

والسرعة لا تساوي الكفاءة !

ولكني أيضًا لا أعتبر - لنفس السبب - من النوع الثاني، لأنني تحت ضغط العمل والوقت -مثلا- ربما لا أخرج بنتائج متميزة، ولكنها مرضية إلى حد كبير، وبقنع نفسي بذلك نظرًا للظروف المحيطة .. وأقنعها أيضًا بأنني كنت سأبلي أفضل إذا تهيأ الجو النفسي الملائم لي أكثر

المسألة نفسية :D

hager يقول...

بصى هو انا غالبا بكون النوع التانى

بس احيانا لما بنوى انى ابيع القضية .......بيطلع شغل حلو

بحس انى كده طلعت نفسى من الضغط اللى عليا

بتنفع احيانا ....لما تقنعى نفسك انه
there is nthn to lose

يمكن المذاكرةممكن توضح حاجة زى كده

يعنى انا افتكر انه ايام ثاوية عامة

كنت قلقت جدا بسبب امتحان الانجليزى ,وسهرت مخصوص لدرجة انى اول ما اخدت الورقة كنت عايزاهم يشيلوها من قدمى لانى ماكنتش شايفة حاجة اصلا

بعديها علطول كان امتحان الفيزيا والضغط بقى وصل لاخره ,وطول التلت ايام مش مركزة فى اللى انا بذاكره

لحد اخر يوم

انا فاكره صحيت الفجر قعدت اقول لنفسى ....ايه اللى هيحصلى هاسقط يعنى ...اوكى

وسبحان الله هديت

وحليت الحمد لله حلو فى الامتحان (وكن فىحاجات كتير من للى ذاكرتها فى الفجر ,جت بالنص)

ساعتها مش المهم الحل ...المهم ان اعصابى كانت باردة جدا .. طبعا ده كان توفيق من عند ربنا .والنتيجة بقى فى الاخر من ربنا


بس فعلا لما الواحد تكون اعصابه هادية .....بينتج احسن كتيييير

وانا مش هاقلق على حاجة مش بايدى

وقريب كنا لسه بنتناقش فى موضوع

(لا حيلة فى الرزق ,ولا شفاعة فى الموت)

بس فى الحالات الطبيعية (اللى هى غالبا يعنى),,,,,بقلبها ضلمة عليا وعلى اللى حواليا

وطبعا ده بيكون نتيجته
"""جت تكحلها ,عمتها"""

جزاكى له خيرا

Rehab يقول...

Amr
كويس ان الفكرة عجبتك:d
نورتنى

Hanoda
كويس انك تتعودى عليه..لأنك كده مع الوقت هيتحسن تعاملك مع الضغط..شدى حيلك

أحمد
الحقيقة مفكرتش فى نوع تالت:d
اه هى مسألة نفسية بحتة..و كل واحد بيتعامل حسب شخصيته:d

Hager
فكرتينى بالذى مضى:d
نفس الحكاية تقريبا حصلت معايا زمان!
ابقى بيعى القضية على طول:d
و جزيتى مثله
نورتينى:d

hager يقول...

ده نورك

سؤال بس

هو احنا لو حطينا النار على الذرة ......هيقلب فشار؟؟؟؟؟؟؟

ولا انا اللى شايفة الصورة غلط

Rehab يقول...

hager
الحقيقة أما تحطى الذرة ع النار تقلب فشار مش العكس :d

حسام يقول...

أنا في الغالب نوع ثالث
ولكن مثل الذرة ايضا
عند الضغط الشديد
انفجر
وقد تؤذي شظايا هذا الانفجار من حولي

Rehab يقول...

حسام
شكلى هفكر فعلا فى نوع تالت
بس انا شايفة انهم لحد دلوقتى نوعين!
كلنا يؤذى من حوله سواء وجد الضغط أم لم يوجد..سواء بقصد أو بدون!
نورتنى