كيوبيد: شايف قد ايه ناس مفطورين بسببك؟
فالنتين: مفطورين بسببي، إزاي؟
كيوبيد: ماوصلتلهمش هدايا ولا ورد ولا شيكولاتة!
فالنتين:أنا فالنتين مش بابا نويل، ولو في حد المفروض يتحمل ذنب القلوب المفطورة فهو إنت!
كيوبيد: أنا؟
فالنتين: آه إنت..
مش إنت برضه اللى سبتهم من غير حب؟
ليه سهامك ما ضربتهمش؟
ولا ليه ضربتهم وما نجحتش تسعدهم؟
كيوبيد:حتة قديس صعلوك بتحاكمني أنا إله الحب؟
فالنتين: آه أحاكمك، صحيح زي ما انت قلت أنا حتة قديس صعلوك، بس ضحيت بحياتي في اللي انت فشلت فيه، وكتير من البني آدمين بيحتفلوا بالسعادة باسمي..
كيوبيد:مهما حاولت أشرح لك مش هتفهم!
فالنتين: حاول..
كيوبيد:ده سر مقدس مقدرش أفشيه!
ربما يتبع...
ربما يتبع...
ليست هناك تعليقات:
إرسال تعليق