أجيب..أسمع على الطرف الآخر..
- -"اتفضلى يا دكتورة.."
-"**** موجود؟"
-"ممكن تقوليه تانى؟"
-"خليكى معايا ثوانى"...
-"اوك"
-"سلام عليكم..معايا لسه؟"
-"أيوه ..كده يا دكتورة بتخوفى الولد بالحقنة؟..أنا زعلت منك خالص .." نبرة ضاحكة
-"لا ما تقلقيش..اللى ميعرفوش انى مش بدى حقن :D"
-حضرتك بتكلمينى كل يوم و كنت عايزة أعرف اسمك ايه؟"
-د\ داليا..وانتى يا جميلة؟
-ايناس..
- فرصة سعيدة.
نغلق الخط ..أغمغم بداخلى .."اسم على مسمى :D"
- يرن الهاتف مرة أخرى..
-"صباح الخير يا دكتورة..أخبارك ايه؟"
-"الحمد لله تمام.."
-"معاكى عواطف.. يا فندم ..أفتح فاتورة جديدة؟"
-"د\داليا ..اه افتحى"
نكمل الحديث..و أتساءل "ليه عواصف؟..ممكن يكون اسمك أحلى كنيير!"
- يرن الهاتف..
-"عندك ****؟"
-"اييييه؟"
أعيد القول..وهكذا دواليك طول المكالمة.
أسألها " اسمك ايه يا جميلة بقى؟"
تغمغم "هالة!"
أغلق الخط..ماذا لو تغير اسمها مع عواطف.."هالة" يليق على عواطف أكثر..و "عواصف"..كمان يليق على هالة أكثؤ!
- يرن الهاتف..
-"دكتووورة ...داليـــا"!
-تعرفت على صوته.."أيوه يا فندم.."
-"أخبارك ايه؟"
-"الحمد لله ..تمام"
-"يا ترى هتطلبى النهاردة و لاهستنى الدكتور زى كل يوم؟"
-"هتستنى الدكتور ان شاء الله"
-"طيب عموما لو أى حد من عندنا كلمك قولى لهم كده..و ما تطلبيش منهم حاجة..ما تعملى ليش مشكلة!"
-"من الناحية دى اطمن..بس هو عندكم تنافس جامد؟"
-"ااااه..عموما هبقى اتكلم تانى اما الدكتور ييجى"
-"مع السلامة"
أخيرا فهمت سبب مداومته على الاتصال اليومى!
هناك 3 تعليقات:
لا براحة عليه كده
هو ده يا المتحدة يابن سينا او حاجة زيهم
بس ايه النظام و ايه اللي انتي اكتشفتيه بالظبط
لان واضح ان فهمي بقى بطئ اوي اليومين دول
صح :D
مش معقول كل مرة هغششك :D :P
ان ده شغله حتى لو هو متأكد انى مش هطلب..ممكن حد تانى زميله يطلبنى و اعمل اوردر فيبقى هو فى مشكلة ..فلازم كل يوم يسألنى حتى لو جوابى واحد على طول:D
اها
لا فهمت كده
نورتي المحمكمة
إرسال تعليق