الجمعة، مايو 30، 2008

امسك حرامى


حرامى كل يوم يسرقنى .. و ما اخدش بالى غير قبل ما أنام
و كل يوم اقول بكرة هامسكه و احبسه واطبق عليه قانون الأحوال الشخصية
بس الظاهر مفيش فايدة!
لانه سرقنى عاشر النهاردة
المشكلة انه مش بيسرقنى لوحدى
بيسرق كل واحد فينا فى العصر ده!
حتى قارئ كلماتى الآن بيتسرق
و اللى بيتسرق ده مش بيرجع تانى
صحيح ناس كتير حلمت انها ترجعه
لكن حلمهم ماتحققش غير فى الروايات و الأفلام وبس!
ايوه هو وقتنـــــــــــــــا اللى بيتسرق
و اللى بيسرقه مننا الانترنت!
يعنى انا دلوقتى وانا بكتب بتسرق!
المفروض انى اكون بذاكر !
و كمان حضرتك بتتسرق !
لانك بتقرا كلماتى دلوقتى!
طيب .... و الحل؟
تيجى نمسك الحرامى؟
طيب هنمسكه ازاى؟
وبعدين لو مسكناه ماحنا لا هنعرف نطبق عليه الحد و لا هنعرف نطبق عليه قانون الاحوال الشخصية!
بس ممكن نصحصح له!
يعنى ما نضيعش وقتنا فى حضوره!
و حتى حضوره ده لازم يكون بعد ما نعمل كل اللى ورانا!
يلا نحاول نمسك الحرامى!
هقوم احاول!
و ان شاء الله هامسكه!

هناك تعليقان (2):

shimaa يقول...

ماتحاوليش ده حرامي متمكن :D

Rehab يقول...

لا مش معايا
اتغلبت عليه امبارح
نورتى