الخميس، مارس 18، 2010

::شد الحزام::

شد الحزام
شد الحزام على وسطك غيره مايفيدك
لابد عن يوم برده يعدلها سيدك
إن كان شيل الحمول على ظهرك بيكيدك
أهون عليك ياحر من مدت إيدك
ماتيالله بينا انت وياه ونستعان ع الشقا بالله
واهو اللى فيه القسمه طلناه واللى مايجيش انشا لله ما جاه
مادام بتلقى عيش وغموس يهمك ايه تفضل موحوس
ماتحط راسك بين الرؤوس لا تقوللي لا خيار ولافقوس
حقولك ايه واعيد لك ايه كله له آخر
دى خبطة جامدة وجت على عينك ياتاجر
ياوحستك دلوقت لاوارد ولاصادر
يحلها الفين حلال ربك قادر
قل لي في عرض النبي ياحسين رايحين نلاقيها منين ومنين
والاش متجوز اثنين يادنيا غوري جاتك البين
شوفوا البخيل يفضل منحوس ولو علقوا على بابه فانوس
فلوس دي ايه سكت ياجاموس ديه السعادة في غنا النفوس
شد الحزام على وسطك غيره مايفيدك
لابد عن يوم برده يعدلها سيدك
إن كان شيل الحمول على ظهرك بيكيدك
أهون عليك ياحر من مدت إيدك
ماتيالله بينا انت وياه ونستعان ع الشقا بالله
واهو اللى فيه القسمه جبناه واللى مايجيش انشا لله ما جاه
مادام بنلقى عيش وغموس يهمك ايه تفضل موحوس
ماتحط راسك بين الرؤوس لا تقوللي لا خيار ولافقوس
قرب شيلنى شيل عمر الشدة متطول
قرب سيلنى سيل بكره نهيص زى الأول
لا تقولى كتير وقليل بكرة نهيص زى الأول
لا تقولى كتير وقليل عمر الشدة متطول
هيلا هيلا هيلا هيلا . . هيلا هيلا هيلا ليصة

الأحد، مارس 14، 2010

::آخر نكتة::


ينبهنى هاتفى الى ورود رسالة جديدة ، أتحرى الأمر..واذا بها رسالة من صديقة عزيزة لى..هى فى الحقيقة " نكتة".... أبتسم..و أستأنف ما كنت أفعل،و بعد برهة يتكرر ذلك و لكن من صديقة أخرى..و مع القراءة الثانية لهذه الرسالة، تذكرت مقال انيس منصور بالشرق الأوسط صباح اليوم.. و مع الفارق أحسست أن هذه الكلمات ما تحمل الا ضرب من "الاعتراض على قضاء الله"، وهو حتما غرض غير مقصود، و غالبا السعى للتغيير هو سبب عدم انتباههن لما قد تحمله الكلمات من معنى...رجاء الانتباه قبل اعادة ارسال أى محتوى.

الجمعة، مارس 12، 2010

I'm a Machine

كنت بتفرج ع الفيلم ده من كام يوم ،الحقيقة النوعية دى من الأفلام مش بتستهوينى اطلاقا،واحسن حظى شفت اخر ربع ساعة فى الفيلم بس،ولفت انتباهى الحوار اللى دار بين البطلين فى اللقطة اللى فاتت مابين الدقيقة 2:45 ، 5:30..خلانى أفكر و أسأل نفسى :"هل فى مواقف بنتعامل فيها زى الآلآت ؟"..مجرد اننا بنفذ أمر و خلاص ..مهما كان الأمر ده بيتنافى مع أخلاقنا و مبادئنا و أهدافنا؟..
السؤال الأهم..هو ..أرنولد شوازيننجر لقى اللى يفكروه بمهمته و هدفه و أدرك أنه كان على وشك الخطأ..فهل احنا برده ساعتها هنلاقى حد ينبهنا؟..او هل الناس اللى موجودين بقرب حقيقى مننا مؤهلين انهم ينبهونا قبل الخطأ؟..
واذا كان ده صحيح..فهل احنا هيكون عندنا استعداد للاستجابة لتنبيههم ،و لا لا؟
أسئلة نظرية كتييييير...و للأسف الاجابة هتكون عند أول موقف بالشكل ده..
و الحل اننا نختار كويس الناس المحيطين بينا ،عشان يكونوا نواقيس خطر تدق عند اول احتمال للذلل!