::عيش أحلى ما فى اللحظة::

الاعلان ده من أكتر الاعلانات اللى بحب أتفرج عليها هو اتعرض من ييجى سنة أو أكتر..ورغم انى فودافونية من زمان:D..الا ان الاعلان ده لوحده سبب كافى جدا انى أكون فودافونية متعصبة ،و طبعا ده بعيدا عن الجانب المادى:D..

من كتر اعجابى بالاعلان ده انى دايما كنت أسيب أى حاجة بعملها مهما كانت أهميتها و أقوم أتفرج عليه..و أما كانوا يحبوا يقومونى من على الكومبيوتر يدوروا عليه فى القنوات لحد ما يلاقوه:D

سبب اعجابى الشديد او على الادق .."هوسى" بالاعلان ده مش واحد بس.

-هو عن قصة حقيقية..هم كتبوا كده..والحقيقة انا اتعرضت لموقف ان الزرع يقع من البلكونة..بس اللى جابهولى أخويا..:D

-كان نفسى طول عمرى يكون عندى جنينة، بس اكتفيت بانى أزرع فى البلكونة..رغم انه دلوقتى مش فى أحسن حالاته!

-فكرة الاعلان تحفة..ازاى ممكن تحصل تغييرات فى حياتنا ..ولأول وهلة نحسبها هتبععدنا عن أسباب سعادتنا و مواصلتنا للحياة،رغم ان فى ايدينا نحافظ ع الأسباب دى بقدر من المرونة و الصبر.