-1-
ساعتها كنت ماشية مزأططة
بحضن السما
بعينين مفتوحين
وبرقص فالس مع أمواج البحر
محدش كان شايفني
ولا حتى حد كان سامع الموسيقى
اللي كنت بسمعها
يومها قررت أكون سعيدة
كنت حرة وبرفرف
يمكن الاحساس مادامش كتير
بس جايز ساعتها
كنت عصفورة
طايرة من الفرحة وبزقزق
دلوقتي أنا فاكرة كويس
إني قبلها كنت فيل
بيدب ع الأرض بقوة
مش لأنه تقيل
بس لأنه شايل هموم الكون
فوق كتافه
مش مستسلم
ومش عدواني
بس مستعد يخوض أي معركة
بس عشان يزيح هم
من همومه من فوق كتافه
وقبلها أنا كنت شجرة فل
بتزهر وتهدي وردها
لأي حد مهموم
كأن ريحة الفل سحر
يطير أي هم
روحي بتنسخ نفسها في كل لحظة شكل
بس النهاردة أنا نهر
مش عارف يجري في أي أرض
بس بيحفر طريقه
مش مهم أي اتجاه
هيمشي
طول ما على جنابه هيكبر زرع
-2-
بدور على ابرة في كوم قش
دي مش مجرد جملة عبقرية
لكن الاحساس نفسه سخيف
ع الاقل اللي في الموقف ده عارف انه بيدور على ابرة
عارف شكلها وأبعادها
لكن الأسوأ في المطلق
هو إنك تدور على حاجة انت مش عارفها في وسط حاجات مختلفة
تبدأ تخترع معايير تفنط بيها الأشياء
هحط كل الحاجات الكبيرة المكعبرة ع اليمين
أما الرفايع هصنفها حسب استخدامها
وبعد ما تخلص كل العملية تدرك انك مش محتاج أي حاجة
لأن في رحلة البحث عن المجهول، النتيجة المنطقية هي فشل المحاولة!
تخيل بقى لو بتدور على احساس او شعور
ده يخلي العملية كلها معقدة
هو أصل المشاعر صعب تتفنط
أنا شخصيا ممكن أكون سعيدة ومتضايقة ومتفائلة وحانقة على نفس الشيء والموقف
بحس ساعات إني في لعبة
تمثيلية بلعب فيها كل الأدوار في نفس الوقت
قصره:
أنا مش بدور على ابرة في كوم قش
أنا بدور على شيء مش معروف في فضاء الكون اللامتناهي
-3-
الحياة جميلة
هكذا أراها
العالم مكان رحب يسع الجميع
الجيد
السيء
القبيح
الغث
السمين
الثمين
النحيف
الحياة ملغزة
أبسط مما نتخيل
لكنا نعقدها
بكل الطرق الممكنة وغير الممكنة
أكون
آكبر
آعيش
آمل
أحب
أيأس
تقوم قيامتي
كطائر الفينيكس أبعث من جديد
أخاف
أكرر أخطائى
السيزيفية هي كعب أخيلي
أمل
لو أنني حجر سيزيفيتي، لبعثرتني ليتفرق شتاتي
وتتغير طبيعتي
لكنني كالنهر أجري بمياه جديدة كل يوم
دون أن يلحظ سواي تغيري
الحياة ممكنة
مستعصية
وعاصية
أود لو أحتضن الجميع وأطمئنهم: كل شيء سيصير على ما يرام
لكنني لست بالرحابة الكافية
آحترم مساحاتهم الشخصية
وأحتضن مساحتي
أهتم
ولا آبه
تجمعني الآضداد
أوزعها على من أشاء كما أشاء
كما لو كنت إلهة مصرية قديمة
تمنع وتعطي رعاياها ما تشاء وقت تشاء
صوتي الذاتي أعلى مما أحتمل
ليست هناك تعليقات:
إرسال تعليق